《蘋果日報》9月6日的八卦新聞報導：已經傳通街嘅免費報《爽報》，鐵定 9月 19號星期一面世。
肥老闆做嘢，話嚟就嚟，一係唔出，一出就 100萬份！上次華華收風，話肥佬黎會豪掟 1000萬搞宣傳，推廣嘅嘢梗係講到天花龍鳳曉行識飛，咁究竟有乜嘢睇先？
搵電台猛人報新聞
諗住搵《爽報》班兄弟姊妹索吓料，點知佢哋俾老闆高層捽到索氣，惟有再向接近高層嘅消息人士套料，點知消息人士放低兩個英文字── AV！
吓，出動日本 AV女優？請到吉澤明步定原紗央莉幫拖？錯晒！消息人士話， A代表 Audio， V代表 Video，即係有畫有聲。
咪以為睇緊《哈里波特》，消息人士畀嗰份 dummy華華睇，原來報道有得上手機睇真人發聲版本，差唔多條條都有動新聞跟尾。據聞仲搵到位資深電台人報新聞，至於係邊個， sorry要賣關子。
有聲有畫都要賞心悅目有聲有「色」先得㗎！消息人士話，肥老闆點會唔清楚宅男麻甩心理，所以每日都有位激凸天氣女郎報天氣，至於喺負責「 AV」報天氣嘅，就會係來自台灣嘅 weather girl。有咁靚嘅天氣女郎喎，包你讚醒神！
爽報也設有facebook fanpage：
